Fshati Ilias i Vlorës është në fazën e zhdukjes dita ditës. Këtë e tregojnë rrugët e boshatisura, shtëpitë thuajse të rrënuara, rrugët pa infrastrukturë, mungesa e marketeve dhe farmacive. Është kjo pamja të cilën të ofron ky fshat në vitin 2021.
‘Kanë ikur të gjithë, nuk ka mbetur asnjë! Para 90 ishin nëpër punë nëpër zyra, ishte shtetërore çdo gjë’- tha një banorë.
Në Ilias takon vetëm të moshuar, këtë e thonë edhe vet banorët ku mosha më e re në fshat është mbi 50 vjeç, ndërsa pjesa tjetër pensionistë. Ata jetojnë kryesisht me të ardhurat nga shitja e ullinjve, pensionet apo ndihmat e të afërmve të tyre.
‘Nuk njerëzit vijnë nga Himara, dalim në Himarë për të blerë.’- u shpreh një banore.
Për të përmbushur nevojat e jetës, ata shkojnë në Himarë, fshati të cilit banorët e Ilias i drejtohen për çdo nevojë, duke nisur që nga buka e përditshme.
‘Asgjë vetëm në Dhërmi ka një qendër Shëndetësore, atje i çojnë kush ka ndonjë makinë.’- tha një banor.
Edhe pse me potenciale të mëdha në blegtori apo bujqësi, tashmë është vetëm me 25 banorë, largimi i të cilëve është thjesht çështje kohe.
