Një zjarr i përmasave të mëdha ka përfshirë fshatin Pilur në Himarë.
Zjarri ka rënë që prej orës 9 të mëngjesit, ndërsa pavarësisht punës nga zjarrfikësit, sërish situata nuk është vënë nën kontroll. Paraprakisht dyshohet se është vendosur nga banorë të zonës apo barinj, për arsye të qëllimshme.
Në terren janë përfshirë 15 zjarrfikës, 3 mjete nga Himara dhe 1 nga Saranda që po punojnë për shuarjen e flakëve. Për momentin nuk flitet për rrezik për banesat.
Ndërsa nesër herët pritet që të nisen një grup nga sektori i mbrojtjes së pyjeve dhe PMNZSH dhe grupet e vullnetarëve që janë ngritur për fshatrat në afërsi, në bashkëpunim dhe me ADZM.
