Banorët e Hotolishtit kanë dalë sërish në protestë këtë të dielë, në kundërshtim të projektit të rrugës, pasi kërkojnë shpronësime me çmime më të larta dhe ndërtimin e tunelit.
Ata mbajnë parulla në duar kundër projektit, por edhe kundër ministres Belinda Balluku. Nje prej tyre shkruan: “Fshati prishet, Belinda krihet”.
Gazetari Osman Stafa deklaron se është premtuar që shpronësimi të bëhet me shifrën 250 euro/ metri katror, ndërsa sipas banorëve kjo shifër është e pamjaftueshme
për të ndërtuar nga e para shtëpitë.
“Mosbindje qytetare është rruga jonë. Kërkojmë mbrojtjen e jetës, shtëpive dhe dinjitetit tonë. Do të vijojmë me protestat dhe bojkotin e zgjedhjeve”, deklarojnë ata.
Ndërkohë banorët dhe fëmijët janë ulur këmbëkryq në rrugë në shenjë proteste.
Discussion about this post