Banorët e njësisë administrative Zejmen, në qytetin e Lezhës ndodhen pa energji elektrike që prej mesnatës së kaluar.
Burime për Gijotina.com, shprehen se më konkretisht janë pa energji fshatrat Manati, Tresh, Spiten, Zejmen, Pllanë dhe Bërzanë. Banorët shprehen se OSHEE nuk ka dhënë asnjë shpjegim për shkakun e ndërprerjes së energjisë elektrike, e as nuk janë paralajmëruar për një gjë të tillë.
Sipas tyre, në zonë nuk ka pasur as reshje shiu që të mund të justifikohet shkëputjen e energjisë në atë orar, dhe as nuk kanë informacion se kur energjia do të rikthehet.
Shkëputja e energjisë elektrike është një fenomen i njohur në vendin tonë, ku herë pas herë, jo vetëm në zona të thella, por edhe në qendra të mbipopulluara, qytetarët mbeten pa drita për shkaqe të paditura.
