Ish-kryeministri Sali Berisha ka theksuar se Partia Demokratike përshëndet mbajtjen e Samitit të Bashkimit Europian që do të zhvillohet në Tiranë dhjetorin e ardhshëm. Ai shton se vendimi në fjalë është një afirmim i ri ndaj prespektivës europiane të Shqipërisë dhe të gjitha vendeve të tjera të rajonit, duke shënuar kështu fundin e aleancës përçarëse trilaterale Beograd-Tiranë- Shkup, në kuadrin e projektit serbo-rus të Ballkanit të Hapur.
Postimi i plotë:
DEKLARATË E PARTISË DEMOKRATIKE TË SHQIPËRISË
PD përshëndet mbajtjen e Samitit të BE në Tiranë
Partia Demokratike e Shqipërisë përshëndet vendimin e Presidentit të Bashkimit Europian për mbajtjen në Tiranë të Samitit të përbashkët të vendeve anëtare të BE-së me 6 vendet e Ballkanit Perëndimor në fillim të dhjetorit që vjen.
Ky vendim është një afirmim i ri i Bashkimit Europian ndaj perspektivës europiane të Shqipërisë dhe të gjitha vendeve të tjera të rajonit. Vendimi gjithashtu provon rëndësinë e madhe të Procesit të Berlinit për Shqipërinë e rajonin, dhe shënon fundin e aleancës përçarëse trilaterale Beograd-Tiranë- Shkup, në kuadrin e projektit serbo-rus të Ballkanit të Hapur.
Samiti do të jetë një mundësi reale për shtetarët e BE-së, për të njohur nga afer situatën dramatike të korrupsionit galopant, lidhjeve të tmerrshme të qeveritarëve me krimin e organizuar dhe drogën, gjendjen tejet të rëndë të mediave në Shqipëri.
Discussion about this post