Ekspertët vendas mendojnë se fundi i shkurtit dhe fillimi i muajit mars shihet si momenti i shumëpritur kur Shqipëria do të dalë nga pjesa akute e pandemisë.
Në një intervistë për mediat profesori, Ilir Alimehmeti thotë se dalja e dy varianteve Omicron po përshpejton fundin e pandemisë dhe kalimin në një stad klinik të ngjashëm me gripin stinor.
Mjeku epidemiolog apelon qeverinë që t’i orientojë politikat e vaksinimit drejt personave që nuk e kanë kaluar sëmundjen bazuar në të dhënat e studimit më të fundit të CDC.
Alimehmeti, thotë se të dyja variantet BA.1 dhe BA.2 kanë shumë më pak risk që të shkaktojnë forma të rënda klinike, krahasuar me variantet e mëhershme, nisur dhe nga fakti se pjesa dërrmuese e popullatës shqiptare ka imunitet të fituar në rrugë natyrore ose përmes vaksinimit.
Discussion about this post