Organizata Botërore e Shëndetësisë paralajmëroi për një valë infeksioni që shpërndahej nga perëndimi në lindje në të gjithë botën, pas raportimit të variantit Omikron.
Pesëdhjetë nga 53 vendet në Evropë dhe Azinë Qëndrore kishin raportuar raste të Omicron, bëri me dije Hans Henri Kluge, drejtori rajonal i OBSH-së për Evropën.
Në javët e fundit, vendet në Evropë dhe Shtetet e Bashkuara kanë ndjerë fuqinë e plotë të valës Omicron.
Mbretëria e Bashkuar ka raportuar shumicën e infeksioneve, pasi rastet ditore të COVID-19 arritën kulmin në më shumë se 160,000 në fillim të këtij muaji.
Shkencëtarët atje thonë se të gjitha kombet po përballen me të njëjtin problem madhor i cili është shpejtësia e madhe me të cilën përhapet ky virus.
Ndërkoh, OBSH dhe shkencëtarë të tjerë kanë sugjeruar se një numër i madh i infeksioneve Omicron mund të sinjalizojnë fundin e pandemisë, për shkak të rritjes afatshkurtër të imunitetit që do të pasojë.
Së fundmi, studiuesit paralajmërojnë se situata mbetet e paqëndrueshme dhe e vështirë për t’u menaxhuar.
Discussion about this post