Moldavia do të furnizohet me gaz nga Gazprom dhe për 5 vitet e ardhshme.
Qeveria moldave ka konfirmuar se ka rënë dakord me Gazprom për të zgjatur kontratën e furnizimit me gaz, nga 1 nëntori. Sipas mediave të huaja bëhet njoftohet se kontrata është 5 vjeçare.
Moldavia shpalli gjendjet e jashtëzakonshme javën e kaluar, pasi kontrata me Gazprom kishte skaduar muajin e shkuar. Tashmë rusët njoftojnë se është arritur marrëveshja me “kushte reciprokisht të dobishme”.
Gazprom është furnizuesi më i madh i gazit natyror në Europë.
Rusia ka kërcënuar se do t’i ndërpresë furnizimet me gaz në Moldavi në fund të vitit, nëse kontrata ekzistuese e gazit nuk zgjatet deri atëherë.
Ministria e Infrastrukturës e Moldavisë ka theksuar se bisedimet në Shën Petersburg përfunduan me një “marrëveshje në parim”. Sipas saj marrëveshja mes palëve do të zgjatet duke përdorur formulën e çmimit të propozuar nga moldavët.
