Futboll/ Super ylli norvegjez tregon aventurën në Madrid

Mesfushori titullar i Arsenalit në Premier leaguen angleze dhe i kombëtares norvegjeze Martin Odegaard tregon ëndrrën e bërë realitet, të paktën në fillim, në një intervistë ekskluzive për mediat britanike. Ai mbërriti te klubi spanjoll i Realit të Madridit në moshën 16-vjeçare, pasi bëri “një vizitë” nëpër qendrat e mëdha stërvitore në Evropë. Ai tërhoqi vëmendje të madhe, që duket se la shenjë në atë kohë te talenti norvegjez.

Tani, larg mbretërorëve dhe një protagonist absolut deri tani në Premier League, Odegaard rikujton periudhën në Estadio Santiago Bernabeu.

“Kam komunikuar shumë për këtë me babanë tim dhe me pjesën tjetër të familjes. Në fund të fundit, Madridi është Madrid. Ata ishin kampionët e Europës me lojtarët më të mirë të planetit. Në atë kohë, unë isha simpatizues i Iscos, ishte aq i spektakolar me topin.

Por gjëja me të vërtetë kryesore në lidhje me ofertën e Realit ishte se ata kishin një ekip rezervë ku unë mund të luaja menjëherë. Dhe trajneri i atij ekipi ishte Zidane. Ishte e pabesueshme.

Nuk isha mjaftueshëm i rritur për të ngarë makinën, kështu që babai im duhet të më çonte për të luajtur me emra të mëdhenj si  Isco, Ronaldo, Ramos, Modric, Bale dhe Benzema. Ata, të gjithë, ishin shumë të mirë. Ata që flisnin anglisht u kujdesën shumë për mua gjatë ditëve të para”.

Megjithatë norvegjezi kujton dhe anën tjetër të medaljes në lidhje me aventurën madrilene:

“Në ekipin e parë kam isha vetëm një fëmijë që kishte shkuar për t’u stërvitur. Nuk kam marrë pjesë në ndeshje. U ndjeva pak si i huaj, isha i bllokuar. Nuk mund të luaja sipas mënyrës time. Isha më i shqetësuar që të mos bëja gabime sesa të luaja në të vërtetë lojën time.

U përndoqa nga mediat, sepse kishte pritshmëri të larta për mua. Isha një objektiv i lehtë. Nëse më njihni vërtet, e dini që buzëqesh shumë, por mendoj se nga jashtë ndonjëherë fytyra ime duket më e turpshme se sa jam në të vërtetë.

Ndoshta nëse do të kisha qenë spanjoll, do të më kishin dhënë pak më shumë kohë për t’u rritur. Sinqerisht, nuk e di. Nuk ka rrugë të mesme në futbollin modern. Ose je blerja më e mirë, ose je një dështak”, deklaroi Odegaard.