Real Madrid është mësuar që të ketë çdo futbollist që dëshiron për faktin e thjeshtë se mund të paguajë shuma të majme për ta.
Megjithatë, ka një lojtar që Madridi ishte gati ta nënshkruante, por nuk arriti kurrë. Presidenti Florentino Perez dëshironte të shihte Kun Agueron me fanellën e “los blancos”, por në fund ishte Manchester City ai që ia doli të nënshkruante me futbollistin.
Real Madridi ishte shumë afër argjentinasit kur ai vendosi të largohej Atletico, por presidenti i atëhershëm i ekipit mendoi se do të ishte një dëm i madh moral nëse Kun do të largohej për te rivalët më të mëdhenj.
Në këtë mënyrë, Manchester City bëri një ofertë të mirë dhe Atletico veçse përfitoi nga shitja e sulmuesit, e çoi atë në një ekip jashtë ligës spanjolle. Ndër të tjera, edhe vetë Aguero dëshironte të luante për “los blancos”, por diçka e tillë nuk u lejua atëherë nga Atletico.
Discussion about this post