Pas pesë muajve si futbollist i lirë, Arlind Ajeti më në fund ka arritur të gjejë një skuadër. Futbollisti i Kombëtares ka firmosur me skuadrën e Padovas në Serinë C teksa eksperienca e mëparshme ishte në Serinë B tek Rexhina.
“Padova bën të ditur se në ditën e sotme ka formalizuar akordin me futbollistin shqiptar me shtetësi zvicerane, Arlind Ajeti. Ajeti ka nënshkruar me klubin një kontratë njëvjeçare me të drejtë rinovimi”, ishte njoftimi i skuadrës italiane të Padova.
Situata e Arlind Ajetit ka qenë shumë enigmatike pas kampionatit Europian të vitit 2016. Në kohën e De Biazit ai ka qenë titullar tek kuqezinjtë teksa më pas nuk u grumbullua për një kohë të gjatë si dhe shpesh herë ka mbetur pa ekip.
Discussion about this post