Ardit Krymi, futbollisti i skuadrës së Vllaznisë ka deklaruar në konferencën për shtyp para ndeshjes me Teutën se shkodranët e kanë mundësinë të marrin pikët maksimale në këtë përballje shumë të rëndësishme për vazhdimësinë.
“Janë 4-5 ekipe në lojë për titull, pas hapit fals të Tiranës në Korçë na duheshin medoemos fitoret në mënyrë që të shkurtonim diferencën. Sfida me Teutën ka rëndësinë e vet se edhe ajo është një rival për titull, do të shkojmë të japim maksimumin.
Ndryshimet që kemi bërë kanë dashur kohën e vet, sepse kanë ardhur lojtarë të rinj dhe mendoj që kanë dashur kohën e tyre për t’u përshtatur me ekipin dhe mendoj se janë në rrugën e duhur. Duke dhënë maksimumin të gjithë bashkë do të jemi në krye se ekipi i ka kualitetet dhe cilësitë”, u shpreh Krymi.
Discussion about this post