Simon Kjaer, para ndeshjes që Danimarka luan kundër Belgjikës prej orës 18:00, ka një mesazh. Mbrojtësi i Milanit, i cili mban shiritin e kapitenit te kombëtarja e tij, thekson se sot do të luajnë për Christian Eriksen.
“Kanë qenë disa ditë shumë të veccantë, kur futbolli nuk ka qenë gjëja më e rëndësishme. Një tronditje, që do të jetë pjesë e imja, pjesa e të gjithëve ne, përgjithmonë. E vetmja gjë që me të vërtetë ka rëndësi, është se Christian është OK.
Jam krenar për mënyrën se si kemi vepruar si ekip dhe se si kemi qëndruar së bashku në këto kohë të vështirë. Jam i prekur dhe shumë mirënjohës për gjithë mbështetjen.
Sot, ne do të hyjmë në fushë kundër Belgjikës me Christianin në zemrat dhe mendimet tona. Kjo na jep qetësi në mendjet tona dhe na lejon të fokusohemi në lojën e futbollit.
Do të luajmë për Christianin dhe si gjithmonë për gjithë Danimarkën. Ky është motivimi më i madh për të gjithë ne. Si gjithmonë do të bëjmë më të mirën tonë për Danimarkën”, është shprehur Kjaer.
