Në sezonin e tretë të “Përputhen”, po bëhet “nami”. Bledi Beqiri, i njohur në muzikë si reperi Bloody, ka vendosur të luajë me protagonizmin e tij, duke futur në konflikt tri vajzat në garë, pikërisht Anën, Mikelën dhe Efin.
Djali nga Struga ka marrë vëmendjen më të madhe nga të gjitha hyrjet, edhe për faktin se bën përshtypje me fizikun dhe luksin e tij, ndërkohë që nuk ishte fare i panjohur për publikun.
Si një nga reperët e muzikës që numëron miliona klikime në “Youtube” me këngët e tij, gjatë puntatës së fundit të emisionit “Për’Puthen” ai shprehu hapur pëlqimin për Anën, ndërkohë që po komentohej takimi i kësaj të fundit me Kriston.
Deklaratat e Bledit habitën dy vajzat e tjera, Efin dhe Mikelën, edhe për faktin se Ana u shfaq e ulur në prehërin e tij, një skenë që dëshmon për një intimitet të avancuar mes tyre.
Pasi i tha se do ta pyeste për familjen, Ana shkoi t’i ulej në prehër dhe thumboi Mikelën duke i thënë se kështu do rrijnë në takim, e jo sipër pianos. Ajo e pyeti hapur Bledin se çfarë do bënte për të dhe ajo iu përgjigj. “Do mundohesha gjithçka të zbuloj, dhe më tepër nga ty. Pjesën e familjes, pjesën e nënës që mua më intereson kjo gjë. Jam vetë tip që i shoh gjërat më shumë”.
Por çfarë mendon Bledi i “Për’puthen” për femrat dhe paratë? “Sa u përket femrave, kur arrin deri në një pikë të lartë, ka nga ato që të duan për atë që je, por shumica afrohen vetëm e vetëm për shkaqe interesi (të paktën kështu mendoj unë). Ndërsa për paranë, normal që paraja është gjithçka në këtë kohë që jetojmë, por jo për mua. Për mua është thjesht një letër sepse në fund të fundit ç’të duhet paraja kur jetën e ke të shkatërruar, të parehatshme dhe s’je i lumtur. Ndërsa për aventurat nuk di nga t’ia nis. I kam bërë të gjitha në këtë jetë e s’më duket diçka interesante, por s’kam qejf të flas shumë për këtë pjesë sepse mendoj është më mirë të mbetet private”, tha ai.
Në lidhje me bashkëpunimet në muzikë, ai u shpreh: “Do kisha dashur të kisha një bashkëpunim me Dhurata Dorën ose Kidën. S’di pse, por më pëlqen stili i muzikës që ato bëjnë, është tepër i kapshëm për veshin tonë dhe besoj se përshtatem tepër me to. Tanyan e njoh vetëm si repere në treg, por që është futur fuqishëm. Nuk e njoh personalisht si person, por flas në aspektin muzikor, është duke bërë revolucion me stilin e saj. Bravo! Është duke bërë punën e saj më mirë se ç’duhet, e ndoshta është edhe më e mirë sesa disa repera djem, që janë në muzikën tonë e që kanë vetëm fjalë boshe e aspak vepra”.
Meqë përmendi reperat, cilin do të veçonte prej tyre, pra, kush është ai që e meriton të konsiderohet “mbreti” rap-it? “Të gjithë janë mbretër në stilin që ata kanë. Ndoshta ne shqiptarët jemi duke dominuar shumë nëpër botë për muzikën që bëjmë, por do të veçoja dy emra, me të cilët jam rritur duke dëgjuar muzikën e tyre: Getoar Selimin (Ghetto Geasy) dhe Unikkatil”.
Discussion about this post