Gara për drejtor në RTSH, dy kandidatë vazhdojnë dhe tre skualifikohen (Emrat)

Këshilli drejtues i Radio Televizionit vijoi me procesin për përzgjedhjen e Drejtorit të Përgjithshëm të RTSH.

Anëtarët e Këshillit me votim të fshehtë votuan për kandidatët që dorëzuan dokumentacionin brenda afatit dhe nga ky votim, rezultoi se Jetmir Shpuza dhe Aurora Polo do të vijojnë garën për postin dhe do të kalojnë në fazën e dëgjesës Këshilli Drejtues vendosi që seanca dëgjimore mes 2 kandidatëve do të zhvillohet të premten në orën 10:00.

Ndërkohë, Klinton Rama, Ermal Hoxha dheEni Vasili janë përjashtuar nga gara.

Vendimi për skualifikimin e tyre është marrë nga shumica e anëtarëve të Këshillit Drejtues, të cilët kanë vlerësuar se nuk përmbushin kriteret e nevojshme për këtë pozicion.

1. Klinton Rama, 4 vota pro, 5 vota kundër;
2. Jetmir Shpuza, 7 vota pro, 2 vota kundër;
3. Ermal Hoxha, 3 vota pro, 6 vota kundër;
4. Eni Vasili, 4 vota pro, 5 vota kundër;
5. Aurora Polo, 7 vota pro, 2 vota kundër

Këshilli Drejtues i RTSH-së ka vendosur që seanca dëgjimore me 2 kandidatëve do të zhvillohet të premten në orën 10:00.