Në mes të muajit nëntor 16 spitalet universitare dhe ato rajonale në vend pritet të kenë drejtuesit e rinj. Rreth 75 aplikantë iu nënshtruan testimit me shkrim. Bie ne sy rikandidimi i drejtuesve aktual të spitaleve kryesore në Tiranë.
75 kandidatë garojnë për të marrë drejtimin e 16 spitaleve universitare dhe rajonale në vend.
Këta iu nënshtruan provimit me shkrim këtë të premte pasi dosjet e tyre u përzgjodhen mes 84 aplikimeve në fazën e parë të konkursit.
Testi përmban pyetje që kanë të bëjnë me menaxhimin e spitaleve e legjislacionin për shërbimin spialor e kujdesin shëndetësor.
Për 11 spitalet rajonale në garë janë 53 konkurentë, ndërsa për 5 spitalet universtare në Tiranë ka 22 kandidatë.
Këtu bien në sy drejtuesit aktual të spitaleve universitare të cilët ishin të vetmit që kryeministri Edi Rama nuk i urdhëroi të dorëhiqen në fund të muajit korrik.
Fituesit që do të dalin nga kjo fazë, në fillim të nëntorit përpara një komsioni me eksperte te fushës së menaxhimit dhe shëndetësisë vendas dhe të huaj do të duhet të paraqesin platformën e tyre për drejtimin e spitalit. Emrat e rinj apo të vjetër që do të drejtojnë spitalet univieristare dhe rajonale pritet të bëhen publik në mes të muajit nëntor.
