Gara për president në PL-së, zbulohet rivali që kërkon t'i 'rrëmbejë' postin Ilir Metës -

Kur kanë mbetur vetëm pak ditë nga Konventa kombëtare e Partisë së Lirisë, del kandidati i parë që do të përballet me kryetarin aktual, Ilir Meta për postin e Presidentit të partisë.

Faik Basha do të jetë rivali i Ilir Metës për te drejtuar Partinë e Lirisë. Me anë të një postimi në Facebook, ish drejtori i policisë së Kamzës ka shpallur kandidaturën.

Basha thotë se nuk ka qenë i përfshirë në asnjë̈ lloj skandali, ndaj thotë se kërkon që të gjithë formimin, profesionalizmin ta ushtrojë në të mirë të vendit.

Vendimi qe ai ka marre thote se eshte i drejtë dhe në kohën e duhur, për t’u sigurar shqiptarëve se nuk do të qëndrojnë më në mëshirë të fatit.

“Unë besoj tek Partia e Lirisë, pasi kjo forcë politike është angazhuar ndër vite dhe vijon të investojë tek rinia, që janë e ardhmja e vendit tonë dhe intelektualët e ndershëm, të cilët do të rimëkëmbin vendin!

Shqipëria është në kolaps dhe është i domosdoshëm largimi i menjëhershëm i kësaj qeverie, që për vite mbushën xhepat e tyre dhe zbrazën sofrat e shqiptarëve. Shqipërisë i duhet një frymë e re, ajo e Partisë së Lirisë, për t’i dhënë pushtetin e merituar sovranit, popullit. Shqiptarët kanë në dorë gjithçka dhe njohin fuqinë e votës së tyre”, thote Basha.

Postimi i plote

Të nderuar kolegë, Delegate të Partisë së Lirisë dhe miq të mij!

Kam vendosur të kandidoj për President të Partisë së Lirisë, në Konventën Kombëtare të datës 27.04.2024

Unë, Faik Nezir Basha, lindur më 03.06.1985, në Tiranë, mbaj aktualisht funksionet si Anëtar i Kryesisë së Partisë së Lirisë dhe Kryetar i Partisë së Lirisë në bashkinë e Kamzës.

Në karrierën time profesionale kam kryer një sërë detyrash shumë të rëndësishme, të cilat i kam përmbushur me sukses në shërbim të ATDHEUT.

Kam përfunduar studimet e larta në vitin 2009, pranë Universitetit Ushtarak “Skenderbej”. Për 6 vite (2009-2015) kam kryer detyra të ndryshme në radhët e Forcave të Armatosura të Shqipërisë, duke mbajtur disa detyra të larta si Specialist i Mjeteve të Transportit, Tankeve dhe TRBL, Shef i Zyrës së Informacionit në Brigadën Logjistike dhe Komandant i Kompanisë së Ruajtjes dhe Sigurisë në Batalionin e Xhenios.

Në vitet 2015-2019, kam realizuar detyra të ndryshme pranë Ministrisë së Drejtesisë, konkretisht në Drejtorinë e Përgjithshme të Burgjeve, Specialist Informacioni, Shef i Regjimit të Brendshëm dhe të Jashtëm në IEVP, Specialist Policie dhe Shef Policie në IEVP Peqin.

Gjithashtu kam përfunduar me sukses kurse kualifikimi brenda dhe jashtë vendit ( kurse sigurie, kurse prefesionale, anti-terrorrizëm etj.).

Në vitin 2019, u emërova në krye të Policisë Bashkiake Kamëz, ku puna ime pati rezultate të dukshme, veçanërisht gjatë periudhës pandemike.

Me vullnet të lirë, në vitin 2020 vendosa t’i bashkohem familjes së madhe të “Lëvizjes Socialiste për Integrim”, sot Partia e Lirisë. Në zgjedhjet parlamentare të vitit 2021, kandidova për deputet në Qarkun e Tiranës dhe në zgjedhjet për organet e qeverisjes vendore, të mbajtura më 14 Maj 2023, u zgjodha këshilltar i Partisë së Lirisë, në Këshillin Bashkiak Kamëz.

I gjithë formimi im, shtuar këtu edhe eksperiencat e larmishme profesionale, më kanë sjellë kontakte të afërta me njerëz të thjeshtë dhe të rëndësishëm të fushës së politikës, medias, biznesit etj.

I pa përfshirë në asnjë lloj skandali, kërkoj që të gjithë formimin, profesionalizmin, besimin, kapacitetin, imazhin, dhe vullnetin tim, t’a ushtroj në të mirë të vendit tim.

Pavarsisht ofertave të ndryshme, për asnjë arsye nuk e braktisa detyrën dhe ATDHEUN, duke qëndruar stoik edhe përballë çdokujt dhe çdo gjëje që kërcënon sovranitetin e popullit shqiptar.

Arsyet se përse vendosa t’i bashkohem familjes së Lëvizjes Socialiste për Integrim, sot Partia e Lirise ishin KEQQEVERISJA, KRIMI DHE KORRUPSIONI MADHOR, që ka kapluar vendin tonë nën një regjim mafioz.

Duke qenë në kontakt të vazhdueshëm me njerëzit e thjeshtë, tashmë dëshiroj të bëhem zëri i padëgjuar i tyre dhe të jem një nga njerëzit që do të kontribuojë në avancimin e Shqipërisë, si të gjitha vendet europiane apo edhe vendet e rajonit.

Mendoj se është një vendim i drejtë dhe në kohën e duhur, për t’u sigurar shqiptarëve se nuk do të qëndrojnë më në mëshirë të fatit.

Unë besoj tek Partia e Lirisë, pasi kjo forcë politike është angazhuar ndër vite dhe vijon të investojë tek rinia, që janë e ardhmja e vendit tonë dhe intelektualët e ndershëm, të cilët do të rimëkëmbin vendin!

Për gjithë arsyet e sipërcituara, shpreh dëshirën të kandidoj për President të Partisë së Lirisë, në Konventën Kombëtare të datës 27/04/2024

Me respekt,

Faik BASHA

Etiketa: meta rival

Gara për president në PL-së, zbulohet rivali që kërkon t’i ‘rrëmbejë’ postin Ilir Metës

Lajme të lidhura

“Të pezullohen afatet e qëndrimit në paraburgim”, Meta bën rekurs në Gjykatën e Lartë

Tabaku: Juglindja e izoluar si në kohë lufte, rrugët e florinjta të Ballukut po shkërmoqen

Berisha: Nuk do të zhvillojmë asnjë protestë karshi xhamisë, por besimtarët të ruhen nga të pafetë si Rama

Gazetarja: 500 vajza shqiptare punojnë si eskorta seksi në Dubai, paguhen deri në 10 mijë euro në natë

Discussion about this post

TË FUNDIT

Osimhen i shuan ëndrrën Juventusit, bardhezinjtë eliminohen nga Champions League

Atalanta përmbys 4-1 Dortmundin dhe kualifikohet në 1/8 e Champions League

Kavajë/ Theu masën e arrestit në shtëpi, policia hap zjarr dhe ndalon 38-vjeçarin

Hazizaj: Fëmija humbi jetën duke lypur, Shërbimi Social hesht

Shpallet në kërkim mësuesja 58-vjeçare që dhunonte nxënësit në Kamëz

KONTAKT

Harta e Faqes