Gian Piero Gasperini ka rinovuar kontratën me klubin e Atalantës deri në vitin 2024. Ishte drejtori administrativ i skuadrës, Luca Percassi ai i cili e zbuloi këtë lajm për ‘Sky Sport’ pas fitores 4-0 të ekipit të tij ndaj Venecias.
“Kjo është mbrëmja e duhur për të falënderuar trajnerin, bashkë me djemtë, për një punë që po jep fryte të mëdha. Me zotin Gasperini, ka një marrëdhënie të fortë dhe sot kemi zyrtarizuar zgjatjen e kontratës së tij deri në vitin 2024. Me opsion edhe për një vit tjetër (në favor të klubit). Ne jemi të lumtur ta shpallim atë pas një fitoreje në shtëpi: një akt që tregon se si besojmë tek ai dhe sa beson ai te Atalanta.”-u shpreh Percassi.
Janë rezulatet pozitive të marra gjatë këtij sezoni, ku deri më tani Atalanta renditet në vend të katërt të tabelës së Seria A me pikë të barabarta me Interin e vendit të tretë nga 31 secili, që ndikuan në rinovimin e kontratës.
Kështu mbrojtësi i Shqipërisë, Berat Gjimshiti do vijoj të punojë me trajnerin e tij të preferuar dhe me siguri do vazhdojë të mbajë të sigurt vendin e titullarit./K.T/Gijotina.com
Discussion about this post