Edhe një ditë na ndan nga mbyllja e merkatos në vendin tonë dhe duket se Kukësi është duke përgatitur një goditje shumë të madhe.
Verilindorët dëshirojnë që të afrojnë Kamer Qakën, i cili ka edhe një vit kontratë me Shkëndijën e Tetovës.
Pero Pejic po punon që 26-vjeçari të transferohet në Shqipëri, ndërsa bëhet me dije se atij i është bërë edhe një ofertë zyrtare, e cili mund ta shtyjë lojtarin nga Peja që të prishë marrëveshjen që ka me tetovarët.
Rikujtojmë që Qaka u aktivizua në 4 ndeshje me Kombëtaren kuqezi në 2017, teksa ka qenë pjesë e klubeve të njohura si Steaua e Bukureshtit apo Universitatea Craiova në Rumani.
Deri më tani nuk ka ende asgjë zyrtare dhe trajneri italian Longo po kërkon me patjetër një sulmues të nivelit të lartë këtë merkato, por duket se klubi ka të tjera plane sepse po kërkon në mesfushë./Gijotina.com
