Blendi Gonxhja investon për reklamën e tij si drejtor i Drejtorisë së Përgjithshme e Shërbimeve të Transportit Rrugor. Këtë herë ai ka menduar të blejë skenë, mikrofona dhe video për të realizuar sa më bukur propagandën. Për këtë arsye ka hapur garën për dy tenderë, që nuk kushtojnë pak.
Prokurimi i parë ka si objekt “Qiramarrje foni dhe stage”. Fondi i këtij tenderi është plot 9.999.917 lekë pa TVSH, ose me TVSH mbi 100 mijë euro. Fituesi i këtij tenderi do të shpallet në shtator, ndërkohë që në kontratë sipas dokumenteve standarde, nuk përcaktohet se për çfarë do të përdoren skena dhe mikrofonat. E sigurt është se do të mashtrojë me zë të lart.
60 mijë euro për video
Më tej, Gonxhe e ka siguruar aktivitetin edhe mbulim me kamera e video. Do te jetë një shërbim i plotë mediatik, sepse Gonxhja ka hapur edhe një tender përmes të cilit do të sigurojë videot. Konkretisht, bëhet fjalë për prokurimin me objekt “Shërbime me video animacione dhe promo”.
Kësaj herë, fondi limit i procedurës është 5.957.500 lekë pa TVSH, ose rreth 60 mijë euro të vëna në dispozicion nga të ardhurat e brendshme të institucionit. Këto fonde mblidhen nga partë që iu merren qytetarëve për tarifat dhe Gonxhja i përdor për shpenzime luksi.
Këto blerje Gonxhja do t’i përdorë për të realizuar konferenca e takime, ku do të mburret me punët që bën “Rilindja”.
Çdo vit shpenzon për mikrofonë
Sikur dihet nuk e kemi parë ndonjëherë Gonxhen apo ndonjë person tjetër nga DPSHTRR të këndojë, por çdo vit ai bën shpenzime për mikrofona dhe skenë, kryesisht në periudhë shtatori.
Një vit më parë Gijotina.com ka denoncuar se në shtator të vitit 2022, Drejtoria e Përgjithshme e Shërbimeve te Transportit Rrugor Tiranë ka zhvilluar një tender me objekt “Qiramarrje foni dhe stage”, i cili mban numrin e referencës REF-43949-09-29-2022. Për këtë tender ai shpenzoi 60 milionë lekë nga paratë e DPSHTRR-së.
Kompania që i dha Gonxhes mikrofonat është ASLV ALBANIAN SOUND LIGHTING & VIDEO, me administrator Altin Alizoti. Ndërsa tani DPSHTRR ka vendosur t’i blejë vetë këto vegla. Dikush duhet të kontrollojë shpenzimet e shfrenuara të Gonxhes!
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post