Futbollisti i skuadrës së Dinamos, Enis Gavazaj ka theksuar se kryeqytetasit do të luajnë për titullin kampion pasi i kanë mundësitë. Ndër të tjera futbolli dinamovit bëri të ditur se ndaj Teutës objektivi është vetëm fitorja.
“Ne jemi pothuajse 25 lojtarë që kemi ardhur para dy-tre muajve te klubi i Dinamos. Normalisht, na duhet pak kohë që ta njohim njëri-tjetrin dhe them se ndeshje pas ndeshjeje do të përmirësohemi ndjeshëm në nivelin e lojës.
Duke parë investimin e bërë nga drejtuesit, asgjë nuk është e pamundur. Siç e thashë edhe më lart, kanë kaluar vetëm dy ndeshje nga ky sezon dhe ne do të luftojmë në çdo javë për të bërë më të mirën për skuadrën.
Mendoj se organizimi brenda klubit është shumë i mirë. Çdo gjë deri në këto momente është perfekte te Dinamoja.
Do të jetë një ndeshje shumë e fortë, por ne në çdo ndeshje futemi në fushë që të bëjmë më të mirën. Edhe me Teutën do të mundohemi të bëjmë lojë të mirë dhe të kemi rezultatin që dëshirojmë.
Të shohim gjatë sezonit. Jemi një skuadër e re, por duke parë angazhimin e presidentit, trajnerëve dhe kualitetin e lojtarëve që ka Dinamo, mendoj se do të bëjmë një kampionat shumë të mirë. Shpresoj të kemi edhe fatin me vete.”
