Gavi është talenti i ri i Barcelonës që jo vetëm po dëshmon një formë të jashtëzakonshme, por është treguar vendimtar për skuadrën në shumë raste e sidomos në ndeshjen ndaj Elche ku shënoi dhe dha asist për gol. Prandaj, trajneri Xavi Hernandez e ka të qartë se nuk mund ta lërë të largohet.
Gjatë konferencës përpara ndeshjes Sevilla-Barça që do të luhet këtë të mërkurë, trajneri i Barçës u pyet për rinovimin e Gavit, një nga çështjet që klubi ka në tavolinë dhe nëse ai mendon se duhet të veprohet shpejt.
“Po, duhet të veprojmë tani. Nëse është e nevojshme do bashkojmë para”, tha Xavi, duke e bërë të qartë sa i rëndësishëm është lojtari.
Trajneri shpjegoi se Barça nuk mund të humbasë lojtarë si Gavi, por edhe Nico, Pedri, Ansu, Abde apo Araujo, që i cilësoi si të ardhmen e klubit.
Discussion about this post