Kyle Walker është përfolur në Mynih si opsion tepër i rëndësishëm për teknikun Thomas Tuchel në ndërtimin e Bayernit për sezonin e ri.
33-vjeçari anglez do të duelonte me homologun Alfonso Davies në korsi të ndryshme për kategorinë “më i shpejti”, jo vetëm në tempullin e kampionëve të Bundesligës, por edhe në Kontinentin e Vjetër.
Megjithatë, prestigjiozja gjermane “Bild” ka zbërthyer se nga buron mungesa e përgjigjes nga Walker për Bayernin.
Sipas mediumit thuhet se “raketa” britanike nuk e ka në plan zhvendosjen nga Anglia, marrë në konsideratë moshën, por thjesht po luan “blofin”, me qëllim përmirësimin e kushteve financiare në kontratën e re që bordi i “qytetarëve” po përgatit.
Tuchel i admiron cilësitë e Walker, ndonëse mungon një pikëpamje e njëjtë prej palës tjetër, në këtë rast lojtari me tipare defensive në “Etihad Stadium”.
Sezonin e shkuar, personazhi me numër “2” te kampionët e Premier Ligës i kishte minutat e numëruara nën këmbë dhe u aludua se kjo panoramë do të vuloste arsyen e zhvendosjes drejt Mynihut, aty ku tekniku 49-vjeçar i bavarezve do ta priste krah hapur.
Madje, përflitet se ata i kishin premtuar kontratë 2-vjeçare, me opsion 1 vit shtesë dhe kushte me të mira në spektrin e përfitimeve financiare, sesa merr në urdhrat e Pep Guardiolës.
Discussion about this post