Ëndrra e sulmuesit francez Kylian Mbappe dhe Paris Saint-Germain për të fituar Champions League është shtyrë, së paku edhe për një vit.
Bayern Mynih, që fitoi edhe në Gjermani (2-0) dhe me të drejtë u kualifikua në çerekfinale, la jashtë yllin francez dhe shoqërinë e tij.
Në të njëjtën kohë, skuadra që luftoi si askush tjetër për ta blerë në të kaluarën, Real Madridi i 14 trofeve Champions, është me një këmbë në fazën tjetër pas fitores 5-2 në “Anfield” ndaj Liverpoolit.
Eliminimi i parizienëve, pra, nuk mbeti pa u përmendur nga mediat spanjolle dhe në veçanti nga “Marca”, e cila ia kushtoi faqen e parë të së enjtes Mbappes, duke i dërguar një ftesë për t’u transferuar te madrilenët. “Nëse do të fitosh Champions League, ti e di…”, shkruante në faqen e parë përkatëse duke iu referuar Mbappe, i cili refuzoi Realin në verën e 2022 duke nënshkruar një kontratë të re me Parisin që e lidh atë me klubin deri në verën e vitit 2025.
Shqip.com
Discussion about this post