Cristiano Ronaldo vazhdon të jetë temë diskutimi dhe tani që është larguar nga Europa. Emri i tij është i përmëndur në Angli, një nga miqtë, mendon se nëse ylli portugez do të ishte transferuar te skuadra e tij e zemrës, lufta për titullin kampion të Premier League do të kishte patur një fund krejt ndryshe.
Piers Morgan, një gazetar britanik dhe autor i intervistës që vulosi “divorcin” mes portugezit dhe Manchester United, iu përgjigj në rrjetet sociale provokimit të një përdoruesi që e pyeti për faktin pse sulmuesi nuk u transferua te Arsenal.
Sipas Morgan nëse një transferim i tillë do të kishte ndodhur, atëherë sipas gazetarit “The Gunners” do ta kishin fituar me patjetër titullin e Premier League.
“Nëse Arsenal do të kishte firmosur me Cristianon për pjesën tjetër të sezonit, dhe sulmuesi ishte i gatshëm ta bënte këtë, ‘The Gunners’ do të kishin fituar titullin. Ai di se si fitohen trofetë dhe shënon gola kur ka rëndësi.”- deklaroi Piers Morgan./SSA
Discussion about this post