Gazetari Ermal Vija ka deklaruar se ish-deputeti i Partisë Socialiste, Alqi Bllako është liruar nga burgu dhe është lënë nën masën arrest shtëpie me argumentin se ka fëmijë të mitur.
I ftuar në emisionin “Open”, Vija deklaroi se avokati i Bllakos ka pretenduar se burgosja e ish-deputetit, ka rënduar situatën në familjen e tij.
Të njëjtën kërkesë, sipas gazetarit, ka pasur dhe ish-ministri i brendshëm Saimir Tahiri, por që nuk është pranuar nga gjykata.
Vija: Kërkesa drejtuar gjykatës ka qenë me argumentin se është i pafajshëm, pretendimi i avokatit sot ka qenë se është baba i tre fëmijëve të mitur dhe është rënduar situata e familjarëve. Kjo bërë të ndryshohet edhe masa e sigurisë.
Akuzat që rëndojnë ndaj tij janë të rënda, gjyqtarja Irena Gjoka fillimisht ka pranuar kërkesën e prokurorisë 8 muaj më parë ndërsa sot ka ndryshuar masën e sigurisë, me argumentin se nuk mundet Bllako të cënojë hetimet pasi ato kanë përfunduar. Bllako do të hetohet e më pas në fazën e gjykimit do të vijohet me këtë masë.
Eni Vasili: Ka në burg baballarë të tjerë fëmijësh të mitur?
Vija: Është një pyetje që na ka ardhur të gjithëve. Koka disa herë i është drejtuar gjykatës për ndryshimin e masës, me pretendimet si Bllako se është i pafajshëm, ka shkuar edhe më tej dhe kur ka qenë në paraburgim i është drejtuar spitaleve të burgut për probleme kardiake, por për të ndryshe nga Bllako nuk është ndryshuar masa e sigurisë edhe pse akuzohen për të njejtat akuza.
Edhe Saimir Tahiri ka fëmijë të mitur dhe i është drejtuar gjykatës me këtë kërkesë, kërkesë që nuk është pranuar. Nëse do të bëhej fjalë për një nënë do të ishte një rrethanë lehtësuese që e njeh edhe ligji. Duhet të presim vendimin e zbardhur se pse është marrë ky vendim. Prokurori ka mbajtur qëndrim mohues, nuk ka pranuar që Bllako të lirohet.
Discussion about this post