Gazetarja daneze Kim Uoll u gjet e vrarë pranë një nëndetëseje ku kishte shkuar të intervistonte shpikësin e saj. Por ky i fundit këmbëngul ende se nuk e ka vrarë, por pasi e gjeti të pajetë mendoi të fshihte trupin
“Isha unë që copëtova trupin e saj, por nuk e kam vrarë”, është ky një nga rrëfimet e para të Peter Madsen, shpikësit danez të akuzuar se ka vrarë gazetaren Kim Uoll 30 vjec, në bordiun e nëndetëses së ndërtuar nga ai. 46 vjecari u tregoi hetuesve se kishte copëtuar trupin e gazetares pas vdekjes aksidentale të gazetares e cila u helmua nga monoksidi i karbonit.
Sipas deklaratës zyrtare të policisë së Kopenhagen, Madsen duhet të qëndrojë në burg deri në 15 nëntor. Arrestimi i shpikësit, u krye në muajin gusht pasi në kompjuterin e tij u gjetën fotografi grash të mbytura dhe të therura. Gjatë marrjes në pyetje të 14 tetorit, i akuzuari pranoi pjesërisht se ishte i përfshirë në vdekjen e gazetares së re. Sipas Madsen, ai vendosi të copëtojë trupin dhe e hodhi në det në mënyrë që të mos kishte probleme me policinë.
Kim Uall punonte për gazeta të rëndësishme si Guardian e Nju York Times. Gjurmët e saj humbën në 10 gusht të këtij viti pasi kishte hipur në nëndetëse për të intervistuar Madsen. Pas vdekjes së saj, Madsen u përpoq të zhyste nëndetësen duke thënë se gazetarja kishte zbritur në një ishull pranë Kopenhagenit.
Por autopsia tek viktima tregoi se ajo nuk ka pasur një vdekje aksidentale por është vrarë në mënyrë të dhunshme.
Seanca e parë gjyqësore ndaj tij do të jetë në 8 mars të 2018-ës.
2018.
