Sekretari i Përgjithshëm në PD-në e vulës, Gazment Bardhi, tha në emisionin “Të Paekspozuarit” se në kundërshtim të plotë me statusin e partisë më kanë zhveshur nga kompetencat.
Bardhi tha se si në rastin e Kuvendit të 11 dhjetorit, ashtu edhe tani, jam njoftuar me sms për të marrë pjesë në mbledhje.
“Kjo ndodh sepse Gazment Bardhi nuk manipulon listat, as manipulon pjesëmarrësit. Mbledhja e Këshillit Kombëtar është anti-statutore dhe e paligjshme”, tha Bardhi. Sipas tij, Këshilli Kombëtar i PD ka 453 anëtarë në detyrë, ndërsa nga Kongresi dolën 478 anëtarë.
Bardhi tha se lista ka qenë e publikuar në faqen zyrtare të Partisë Demokratike, por prej gati 1 muaji faqja është jahstë funksionit.
“Nëse është ose jo kuorumi i mbledhjes do të shihet në mbledhje. Çdo tentativë që mund të bëhet për të manipuluar listën e anëtarëve të Këshillit Kombëtar është i paligjshëm. Çdo veprim që bëhet në lidhje me listën do të jetë në përputhje me statutin”, tha Bardhi.
AI tha se të tre sekretarët që janë caktuar për të zëvendësuar Sekretarin e Përgjithshëm është një vendim anti-statutor.
Discussion about this post