Sekretari i Përgjithshëm i Partisë Demokratike, Gazment Bradhi ka akuzuar kryeministrin Rama se refuzoi ngritjen e komisionit hetimor për 120 milionë euro që i dhuroi biznesmenit italian, bazuar mbi mashtrime.
Bardhi ka publikuar vendimet e arbitrazhit për çështjen “Bechetti” dhe shkruan se Rama gënjen kur thotë që ato janë konfidenciale dhe të papublikuara askund.
“Edi Rama thotë paturpësisht se vendimet e arbitrazhit ndërkombëtar për Bechettin janë konfidenciale dhe të papublikuara askund. Si gjithmonë, gënjen! Refuzoi ngritjen e komisionit hetimor për 120 milionë euro që i dhuroi biznesmenit italian bazuar mbi mashtrimin e shqiptarëve. Shikoni më poshtë vendimet e arbitrazhit për çështjen “Beçhetti”” – shkruan Bardhi.
Opozita kërkoi ngritjen e një Komisioni Hetimor për çështjen e “Bechetti”, por që u rrëzua sot nga Kuvendi, pasi mazhoranca votoi kundër tij.
