Kryeministri Edi Rama po përballet me akuzat se po fal Portin e Durrësit për të ndërtuar një resort turistik. I gjendur në këtë situatë, ai publikoi një artikull të BIRN, duke u përpjekur që të bënte një paralelizim mes një projekti të anuluar në Kroaci, i po të njëjtës firmë dhe investitor: Mohamad Alabbar. Kreu i qeverisë iu referua një projekti të quajtur “Manhatani i Zagrebit” në vitin 2019, të kompanisë “Eagle Hills and Real Estate Development” e investitorit Alabbar, por nuk zgjati shumë dhe u zbulua se projekti nuk kaloi kurrë sepse qytetarët e Zagrebit protestuan ashpër dhe një vit më pas, në tetor 2020, u hoq dorë.
Ndërkohë pas kësaj, ka reaguar dhe kryetari i Partisë së Lirisë, Ilir Meta.
“Gënjeshtra që nuk zgjati një ditë!,”-shkruan ai.
Ndërkohë që pas përgënjeshtrimit të lajmit, kryeministri Edi Rama nuk ka bërë asnjë reagim. E ka ditur që projekti është anuluar, apo thjesht ia kanë sugjeruar që ta nxjerrë si artikull pa kontrolluar asgjë vetë. Duke qenë se dha një shembull sesi ndodh në Kroaci, nuk dihet a do e lejojë në Shqipëri anulimin e projektit nëse ka protesta.
Discussion about this post