Aktivisti Gent Progni, në protestën e 93-të para kryeministrisë u shpreh se tashmë ka ardhur koha për ndryshim dhe diçka e tillë vjen me largimin e gjithë qeverisë Rama.
Gjithashtu, Progni bën thirrje që mos të ketë përçarje.
“Dua të flas për Shqipërinë, përballë korrupsionit nuk ka vetëm të majtë dhe të djathtë. Sot kam një thirrje për secilin prej jush, mos u përçani. Këtu ka socialistë të zhgënjyer, ka prindër që kërkojnë Shqipëri tjetër për fëmijët e tyre. Ne nuk vazhdojmë kështu. Kur një qeveri humbet besimin, ekziston një fjalë, Rama jepe dorëheqjen.
Nuk mbaron gjithçka me një emër. Nuk kërkojmë të largojmë shoferin dhe të mbetemi me të njëjtën makinë. Këtij sistemi duhet t’i vijë fundi. Ne nuk kemi frikë. Përpiqeni që të na përçani, por nuk do ia dilni dot.
Mos pyet çfarë partie ka, thjeshtë pyete nëse do Shqipëri pa korrupsion. Kërkesa jonë është dorëheqje. Ka ardhur koha që t’i japim fund pandëshkueshmërisë. Shqipëria është e njerzëve të saj. Fund korrupsionit, mos u përçani”.
Discussion about this post