Sot në Gjykatën e Posaçme të Apelit është duke u zhvilluar shqyrtimi i kërkesës së SPAK për rihapjen e hetimeve ndaj Fatmir Mediut, i akuzuar për shpërthimin e Gërdecit në mars të vitit 2008 me 26 të vrarë e qindra të plagosur.
Rreth një muaj më parë shkalla e parë rrëzoi SPAK, por vendimi i GJKKO u apelua nga ana e prokurorëve që kishin në dorë çështjen. Në një vendim prej 28 faqe gjyqtari Erjon Çela rrëzoi pretendimet e SPAK që sipas tij nuk ka paraqitur asnjë provë të re dhe ka shigjetur prokurorinë ndër vite që nuk ka kryer hetime ndaj Mediut. Shqyrtimi i kërkesës në apel është duke u zhvilluar në dhomë këshillimi pa praninë e palëve.
Shpërthimi në Gërdec ndodhi më 15 mars, 2008 në një “fabrikë” për demontimin e armëve, ku nga shpërthimi humbën jetën 26 persona dhe u plagosën qindra të tjera.
Për këtë tragjedi, prokuroria dërgoi 28 të pandehur në gjykatë, ndërkohë që Fatmir Mediu, në atë kohë ministër i Mbrojtjes i shpëtoi gjykimit pasi kishte mandatin e deputetit.
