Në një deklaratë me deputetin Fatmir Mediu, avokati i tij Saimir Visha tha se vendimi i SPAK për të rihapur dosjen “Gërdeci” është antikushtetues. Ai tha ky është një rast flagrant i mungesës së objektivizmit dhe humanizmit në hetim. Ndër të tjera ai akuzoi prokurorinë se nuk ka marrë për bazë asnjë provë të dorëzuar nga ai si përfaqësuesi ligjor i Mediut.
“Janë një sërë koincidencash të një subjektiviteti ekstrem të një institucioni që duhet të veprojë me një logjikë të ftohtë. SPAK konsideroi si risi kërkesën e familjarëve për hapjen e hetimeve. Deklarata e prokurorit për hapjen e hetimeve është gati ilegale pasi nuk pati asnjë komunikim me mediat. Kërkesa e SPAK ishte antikushtetuese dhe jo e ligjshme. Çdo akt që pason kërkesën e SPAK duhet të jetë i pavlerë”, tha Vishaj.
Vishaj shkoi edhe më tej duke thënë se nuk do të lërë më kaq edhe deklarata të bëra nga Arben Kraja, të cilat ai i konsideron në shkelje të ligjit dhe për këtë arsye do të marra hapat e nevojshme. Sipas tij, prokurorët që janë marrë me këtë çështje nuk kanë bërë si duhet themelimin e akteve, çka hedh automatikisht poshtë pretendimet e tyre. “Ka deklarata mediatike nga titullari i SPAK dhe ne do t’i shkojmë deri në fund. Kjo lloj drejtësie dhe qëndrim subjektiv i shprehur më bëjnë të besoj që kjo lloj drejtësie nuk është drejtësi e parashikuar në shinat legale. Ne do të përballemi me çdo formë që do të marrë kjo çështje. Ky rast është domethënëse për mungesën e objektivizmit dhe humanizmit për këtë çështje. Vendimi i apelit të SPAK nga ana tjetër është i pashembullt, Një pjesë e prokurorëve janë halicunantë. Mjafton të shikoni aktet e tyre. Ai është një vendim që ka kontradikta mbi mënyrën si është themeluar. Asnjë provë e dërguar prej nesh nuk ka vlerësimin minimal prej gjyqtares. Veprimi i prokurorisë është ilegal dhe duhet treguar para opinionit publik”, tha ai.
Ndërkaq, Vishaj tha se bashkë me Mediun nuk do të lejojnë më që të përhapen informacione të pavërteta rreth kësaj çështjeje.
Discussion about this post