Jude Bellingham është një nga mesfushorët e rinj më të mirë në botë. Mesfushori anglez po shkëlqen me Borussia Dortmundin dhe ka bërë për vete klubet më të mëdha evropiane që duan transferimin e tij.
Anglezi po shkëlqen edhe me Përfaqësuesen e Anglisë, derisa lëvdatat për të janë shumë të mëdha.
I fundit që e ka lavdëruar Bellinghamin është legjenda angleze Steven Gerrard.
Ish-mesfushori legjendar i Liverpoolit dhe Anglisë ka thënë se Bellingham është më i mirë se ai kur ishte 19 vjeçar.
“E sigurt është se Bellingham ka një fizik më të mirë se unë kur isha 19-vjeç. Nuk e kam pasur kurrë këtë fuqi në atë moshë dhe vetëm 22 apo 23-vjeç u rrita fizikisht”.
“Aty u zhvillova dhe arrita pjekurinë. Nga ana tjetër, Bellingham është më mirë edhe në kontrollin e topit. Nuk po tregohem modest, por e kam me të vërtetë”.
“Ai është më i mirë se Gerrard 19-vjeçar. I duhet vetëm të vazhdojë me këto performanca dhe mund të arrijë shumë”, deklaroi Gerrard.
Discussion about this post