Ministrja e Punëve të Jashtme të Kosovës, Donika Gërvalla, ka deklaruar ditën e sotme se Kosova nuk do t’i bashkohet kurrë “Open Balkan”. Sipas saj Kosova nuk ka nevojë që të marrë pjesë në iniciativa si “Ballkani i Hapur” që e mbajnë larg integrimit ne BE. “Si Republikë e Kosovës jemi deklaruar qartë se as nuk kërkojmë alternativa ndaj anëtarësimit në Bashkimin Evropian, dhe as nuk kemi nevojë për alternativa të cilat janë më shumë fjalë goje sesa oferta serioze të asaj që filloi si iniciativë e Novi Sadit, vazhdoi si Mini-Schengen. Ta shohim kur të takohen herën e ardhshme tre inicuesit e saj cilin emër do ta marrë Ballkani i Hapur”, tha Gërvalla.
Më tutje, kryediplomatja u shpreh se Kosova asnjëherë nuk ka marrë ftesë zyrtare për t’iu bashkuar kësaj iniciative dhe cdo gjë tjetër e deklaruar është lojë fjalësh. “Republika e Kosovës në asnjë moment të caktuar nuk ka marrë asnjë përshkrim të vetëm të shkurtër apo të gjatë se çfarë është iniciativa “Open Balkan”. Asnjëherë Republika e Kosovës nuk ka marrë asnjë ftesë zyrtare për të qenë e pranishme, përveç prononcimeve publike që i kemi dëgjuar, prandaj pozicionimi ynë është shumë i qartë”, tha Gërvalla.
Sipas Gërvallës, “Ballkani i Hapur” do është që Serbia po përdor kundër Kosovës, por që qeveria nuk do të bjerë pre e saj. “Open Balkan, ashtu siç e shohim ne në këtë moment, është një iniciativë për ta hequr vëmendjen nga Procesi i Berlinit dhe është një mekanizëm që Serbia kërkon ta ketë në dorë për ta penguar Kosovën drejt integrimeve rajonale”, tha ministrja Gërvalla, duke u shprehur se bashkimi me këtë nismë do të ishte humbje kohe për Kosovën në përpjekjet për të qenë pjesë e BE.
Discussion about this post