Reperi i njohur Getinjo është një prej banorëve më të komentuar të shtëpisë së Big Brother VIP Kosova. Ai e nisi aventurën e tij në këtë spektakël të hënën, teksa që në ditët e para ka filluar të bëhet mjaft i përfolur me deklaratat e tij brenda shtëpisë.
Së fundmi, banorët po flisnin për njerëzit që nuk duan të punojnë, kur reperi ferizajas zbuloi se dikur nga kushtet e dobëta ekonomike ishte detyruar të punonte në ndërtimtari.
“Unë vet kam punuar kamarier, kam lyer, e kam kapur hilltin në 6:00 të mëngjesit, e kam lëshuar në 20:00 të mbrëmjes”, ka thënë reperi emri i vërtetë i të cilit është Getoar Aliu.
Përndryshe, Getinjo pak javë më parë kishte gënjyer publikisht ndjekësit e tij në Instagram, pasi kishte rishpërndarë një lajm, ku nga burime të sigurta ishte njoftuar pjesëmarrja e tij në BBV Kosova.
“Telegrafi, ju po e dini e unë s’po e di? Du me u tranu unë”, kishte shkruar Getinjo, duke dashur në një lloj mënyre të “demantojë” lajmin e datës 15 nëntor, i cili rezultoi i vërtetë vetëm dy javë më vonë, pasi ai ishte banori i parë që u futë mbrëmjen e 5 dhjetorit në shtëpinë e Big Brother VIP Kosova.
Discussion about this post