Për shkak të garës “Giro D’Italia” që zhvillohet për herë të parë në Shqipëri, Partia Socialiste në Vlorë bën kërkesë për shtyrjen e afatit të votimit deri në ora 21:00 ditën e dielë.
Kërkesa është dërguar në KQZ nga drejtuesi politik i PS, Bledi Çuçi, ndërkohë që pritet që të merret një vendim në orët në vijim.
“Bashkia e Vlorës na ka vendosur në dispozicion një listë të detajuar të akseve rrugore që do të bllokohen dhe qendrave të votimit të cilat do të afektohen nga ky bllokim, të cilën mund ta gjeni bashkëlidhur kësaj shkrese.
Bazuar në këtë informacion dhe duke vlerësuar se lëvizja e qytetarëve drejt këtyre qendrave mund të jetë e vështirësuar apo e pamundur për një pjesë të ditës, kërkojmë që për të gjitha këto qendra të shtyhet orari i votimit deri në orën 22:00.
Vlerësojmë se kjo shtyrje e orarit është e domosdoshme për të garantuar ushtrimin e së drejtës kushtetuese për të votuar dhe për të siguruar një proces zgjedhor të papenguar, ku çdo qytetar të ketë mundësi për të ushtruar të drejtën e tij për të zgjedhur”, thekson PS.
Gara çiklistike do të zhvillohet të dielën në qarkun e Vlorës ku është parashikuar bllokimi i disa akseve rrugore dhe mund të shkaktojë probleme në qarkullimin e njerëzve për të ushtruar të drejtën e tyre të votës.
Discussion about this post