Partia Demokratike zhvillon ditën e sotme zgjedhjet për kreun e Forumit Rinor të Partisë. Votimi do të nisë në orën 08:00 dhe do të zgjasë deri në orën 18:00 të pasdites. Anëtarët e Partisë Demokratike do të votojnë sipas degëve të partisë.
“Procesi i zgjedhjeve në FRPD ka një rëndësi të madhe për forcat politike ku të gjithë ne aderojmë. Vota na bashkon të gjithëve dhe e nesërmja do të jetë një ditë bashkimi. Komisioni Qendror i Zgjedhjeve në FRPD falenderon të gjithë kandidatët dhe ju uron sukses në garën e nesërme!”, njoftohet nga FRPD në Faceook.
Alesia Balliu, Arnold Kariqi, Artion Barjamaj, Barbara Doda, Besart Xhaferi dhe Mariglend Doçi janë në garë për të marrë drejtimin e Forumit Rinor të Partisë Demokratike.
Discussion about this post