Nënkryetari i selisë blu, Agron Gjekmarkaj, duke folur për situatën politike në vend, është ndalur edhe në ecejaket nëpër dyert e gjykatave për çështjen e vulës së Partisë Demokratike.
Në këtë drejtim ai nuk ka mundur të mos shprehet me nota ironie edhe për Lulzim Bashën, duke theksuar se ai është qerrata e kaluar qerratait. Në një intervistë për ‘Koha Jonë’, Gjekmarkaj u shpreh se është në nderin e Bashës që të ndërpresë këtë sagë antiopozitare.
Nëse ndodh, pasi gjithçka ndodh në Tiranë, që emrin i PD përsëri gjykata nuk ia jep dhe e mban Basha, a keni menduar zgjidhjen?
Gjekmarkaj: Gjykata e lartë ka vendosur sinoret që janë obliguese për gjykaten e Apelit. Nëse ende do jemi shtet ligjor kur të merret vendimi , verdikti do të jetë i qartë në favor të shumices absolute, të trupes politike, grupit parlamentar te bashkuar, dhe mbi te gjitha njerzve! Partia janë njerzit. Nuk besoj se do te ketë gjykatës në Shqiperi që mund të mbajnë në ndergjegjen e tyre një atentat ndaj sistemit politik, ndaj demokracisë dhe vetë Shqiperisë. Nuk mundet dikush te abuzojë me togen e zezë dhe të marrë peng opoziten. nuk mund te ndodh se është antipatriotike, anti dialektike, anti sociale. Drejtesia është për të promovuar vetveten nepërmjet sensit te paqes që i ofron shoqerisë , ajo nuk mund të shnderrohet në konfliktnxitese. Unë kam besim se gjykatesit e apelit do të ngrihen në lartesinë e momentit historik ku koha po i kerkon si gjykates e si qytetar shqiptar. Të shkosh kunder logjikes, kunder drejtesisë , kunder njerzve. U apelohem gjyqtarve ta presin nyjen gordiane të absurdit.
Sa për Bashen ça të them! Eshtë qerrata e shkuar qerratait. Kur te humbë këtë vule do i beje Tao një tjeter me dru lisi nga ato te pyjeve te Librazhdit dhe pastaj mund te vulosë sa ti doje zemra e lodhet dora. Mirë është ta nderpresë vetë këtë sage antiopozitare, po kushedi si i ka punët e nuk është zot i vetes.
Discussion about this post