Deputeti demokrat Agron Gjekarkaj shprehet se kolegu i tij, Ervin Salianji duhet të ishte kryetar i grupit parlamentar të PD, që para një viti.
Deklaratën e bëri në një intervistë për “Panorama TV”.
“Keni bërë ndonjë mbledhje të grupit parlamentar dhe ishin në dijeni të përjashtimit të katër deputetëve”, u pyet Gjekarkaj.
Në përgjigje, u shpreh:
“Unë të të jap një përgjigje të vërtetë se e vërteta është elati më i mirë, por në Shqipëri nuk bëhet politike me të vërtetën. me gjasë prevalon më shumë gënjeshtra për të bërë politikë për tu dukur interesant në sytë e publikut. Unë edhe isha në dijeni, edhe nuk isha në dijeni. Jam indiferent për këto vendime që ndodhin në dy krahët e PD.
Zotin Ervin Salianjin e kam mik, e kam shumë mik dhe në çdo situatë normale do kisha preferuar që të ishte kryetar grupi para një viti, jo sot. Është njeri që e mbështes, njeri që ka verb politik, që ka intuitë politike, ka instikt politik, ka forcë reagimi, por qëndrimi im në këtë rast nuk kishte të bënte me Ervin Salianjin si person, ishte një qëndrim që shkonte në sintoni me veprimet e mia të mëparshme një farë vazhdimi i koherencës time politike. Nuk kishte të bënte aspak qëndrimi me Salianjin si individ se për çështje afeksioni kam më shumë mik Ervin Salianjin se Enkelejd Alibeajn”.
Discussion about this post