Policia e Fierit ka venë në pranga një 21-vjeçar, pasi dyshohej se posedonte një shumë të konsiderueshme parash të përfituar nga veprimtaria kriminale.
Si rezultat i operacionit u arrestua Marjus Proko, pasi gjatë kontrollit në automjetin tip “Benz” me të cilin udhëtonte, iu gjetën 43.620 euro, për të cilat 21-vjeçari nuk kishte dokumentacion që vërteton burimin e ligjshëm të tyre.
Nga veprimet hetimore dyshohet se shuma e parave është përfituar nga aktivitete kriminale në shtetin italian. Shuma e parave u sekuestrua në cilësinë e provës materiale, së bashku me automjetin.
Materialet i kaluan Prokurorisë pranë Gjykatës së Shkallës së Parë Fier, për veprime të mëtejshme procedurale
Discussion about this post