Një arsenal armësh, municione dhe granata, janë gjetur nga disa persona në një banesë të braktisur në Gramsh.
Nga raportimet mësohet se ishin këta banorë të zonës që më pas kanë njoftuar policinë, e cila ka shkuar në vendin e ngjarjes.
Mësohet se policia ka nisur hetimet, ndërsa ka vendosur edhe një perimetër sigurie, ndërsa nuk dihet sasia e municioneve dhe granatave që janë gjetur.
Njoftimi i policisë:
Gramsh/Informacion paraprak
Në fshatin Çekrezë, në një banesë të vjetër prej guri dhe të pabanuar (pronari i së cilës nuk jeton më), janë gjetur në arka të vjetra, disa granata dhe një sasi municioni luftarak.
Shërbimet e Policisë dhe grupi hetimor kanë shkuar menjëherë në vendin ku janë konstatuar lëndët plasëse, kanë siguruar perimetrin e sigurisë dhe vijon puna për dokumentimin ligjor të rastit.
Discussion about this post