Një ngjarje e rëndë është shënuar pasditen e së enjtes në autostradën Fier–Vlorë, pranë fshatit Bishan, ku një burrë ka humbur jetën në rrethana ende të paqarta.
Sipas burimeve zyrtare, viktima është identifikuar si R.P., banues në fshatin Starovë të Beratit. Automjeti i tij, një “Volkswagen” me targa “AB 276 DC”, është gjetur i ndaluar në xhepin e emergjencës së rrugës. Brenda në mjet, në sediljen e përparme, është konstatuar trupi i pajetë i drejtuesit.
Dyshimet e para flasin për një vdekje natyrale, megjithatë autoritetet kanë nisur hetimet për të zbardhur plotësisht shkaqet. Trupi është dërguar në morg për autopsi dhe kryerjen e ekspertizës mjeko-ligjore.
Policia dhe grupi hetimor ndodhen në vendngjarje dhe po punojnë për të verifikuar çdo rrethanë të mundshme që mund të ketë çuar në vdekjen e shtetasit R.P.
Discussion about this post