Sergio Rico mbetet i shtruar në spital, pasi pësoi një dëmtim në kokë në një aksident me kalë në El Rocío, pak më shumë se një javë më parë.
Raporti i fundit mjekësor i ditëve më pare, shprehej se gjendja e portierit të PSG-së mbetej “e qëndrueshëm, pa ndryshime të rëndësishme”. Edhe pse ai saktësonte, se “gjendja e tij e përgjithshme” ishte ende “serioze”.
Këtë të hënë, Alba Silva, gruaja e tij, shpjegoi se si po shkon evolucioni i Sergio Rico. “Hap pas hapi. Pak nga pak”, ka komentuar ajo në mëngjesin e sotëm, në një prononcim për Europa Press. “Ne kemi besim të madh te profesionistët e Virgen del Rocío,” vazhdoi ajo.
Portieri i Paris Saint Germain është ende nën efektet e qetësuesve dhe i monitoruar. Siç shpjegoi gruaja e tij Alba, Sergio po i heqin gradualisht qetësuesit për të parë se si do të reagojë: “Pak, nga pak. Por hap pas hapi, na thotë spitali,”- është shprehur ajo.
Alba Silva pak ditë më parë ka përdorur rrjetet e saj sociale për të ndarë një mesazh të këndshëm për Sergio Rico. “Mos më lër të vetëm dashuria ime, se të betohem që nuk mundem dhe nuk di të jetoj pa ty. Të presim jeta ime, të duam shumë…”,- ka shkruar ajo. Disa fraza që i ka shoqëruar me një foto bardh e zi të ditës së tyre të dasmës.
Discussion about this post