Gjente gra shtatzëna për t’u birësuar fëmijët, ekstradohet në Greqi 59-vjeçari bullgar

Interpol Tirana ka ekstraduar drejt Greqisë një 59-vjeçar i shpallur në kërkim ndërkombëtar nga Athina.

Ai kërkohej pasi sipas autoriteteve greke gjente gra shtatzëna në vështirësi ekonomike, të cilat i çonte në Greqi për të lindur. Më pas ndërmjetësonte atje për dhënien e foshnjës për birësim.

Sipas hetimeve, nga kjo veprimtari kriminale ai përfitonte 2 mijë deri në 4 mijë euro për rast. Interpol Tirana thotë se ai u arrestua nga shërbimet e Policisë Kufitare në Korçë.

Ndërkohë një 39-vjeçar turk u ekstradua në Turqi pasi rezultonte i dënuar për marrëdhënie seksuale me dhunë.