Pas humbje me rezultatin 3-5 ndaj Vllaznisë në shtëpi për takimin e parë të vlefshëm të sezonit 2021-2022 të Superligës, trajneri i Laçit Dejan Vukicevic ka thënë që pa diskutim kjo nuk ishte dita e tyre.
Ai theksoi se nuk mbahet mend hera e fundit që bardhezinjtë kanë pësuar një humbje të tillë, ndërsa shtoi se shkak kanë qenë dëmtimet deh largimet e shumta.
“Sot nuk ishte dita jonë, futbolli i tillë është. Nuk është mirë të pësosh 5 gola, por ja që ndodh. Jemi mirë, kam 20 ditë me ekipin, po stërvitemi mirë, klima është e mirë.
Nuk është të pësojmë kaq shumë sepse nuk mbahet mend hera e fundit kur kjo skuadër pëson kaq shumë. Ekipi ka luajtur shumë mirë në Kupat e Europës, por është fakt se rënia dhe dëmtimet vijnë pas këtyre ndeshjeve.
Ka pasur të dëmtuar dhe të larguar, nuk ka qenë situata e njëjtë si në ndeshjet në Kupat e Europës, por gjithsesi është fakt se ata kanë bërë mirë në ato ndeshje“, u shpreh Vukicevic./Gijotina.com
