Një tjetër aksident i rëndë është shënuar pasditen e sotme në aksin rrugor Tiranë-Durrës. Policia njofton se një 60 vjeçar ka humbur jetën pasi është përplasur nga automjet. Policia jep detasje se A. A., 62 vjeç, i cili duke drejtuar automjetin tip “Ford”, ka aksidentuar një këmbësor ende të paidentifikuar, rreth 60 vjeç.
Ndër të tjera mësohet se për shkak të plagëve të marra këmbësori ka ndërruar jetë.
Theksojmë se numri i aksidenteve rrugore po shënon një nivel në rritje, në mungesë të kontrolleve nga policia. Nga ana tjetër edhe shoferët e mjeteve vazhdojnë të mos ndërgjegjësohen duke kryer manovra të rrezikshme shpejtësie në akse delicate rrugore.
“Më datë 11.09.2021, në orën 16:40, në aksin rrugor Tiranë-Durrës, shtetasi A. A., 62 vjeç, duke drejtuar automjetin tip “Ford”, ka aksidentuar një shtetas këmbësor ende të paidentifikuar, rreth 60 vjeç, i cili për pasojë ka ndërruar jetë.
Drejtuesi i automjetit është shoqëruar në ambientet e Policisë për veprime të mëtejshme”, thuhet në njoftimin e policisë.
