Pas 16 vitesh në krye të Gjermanisë, kancelarja Angela Merkel do të largohet nga pushteti pas disa ditësh, për ti lënë vendin një tjetër politikani.
Pas katër dekadash në pushtet, qytetarët gjermanë duket se janë lidhur shumë me lideren e tyre saqë dhe lamtumirën e saj nga posti po ia bëjnë me ëmbëlsi. Një kompani lokale e ëmbëlsirave ka krijuar disa specialitete që mbajnë fytyrën e Merkel.
Thomas Zuber, menaxher i kompanisë “Odenwaelder Marzipan” në Bavari u shpreh se kjo ëmbëlsirë është dhuratë për përkrahësit dhe kundërshtarët e Merkel, ndërsa shtoi se ëmbëlsirat mund të qëndrojnë deri në dy vjet në shtëpi.
“Është dhuratë për përkrahësit ose kundërshtarët e Angela Merkelit, e cila do të tërhiqet pasi ka përfunduar shërbimin e saj. Ne shpresojmë që ndokush do ta vendos këtë kujtim ndokund në shtëpi. I kemi përgatitur që të qëndrojnë dy vjet, prandaj njerëzit mund t’ia zgjasin kohën Merkelit edhe për dy vjet”, tha Zuber.
Ideja për prodhimin e ëmbëlsirës në formën e fytyrës së Merkelit erdhi disa muaj më parë dhe tashmë stafi me 8 persona po punon për kompletimin e linjës së ëmbëlsirave. D.L /Gijotina.com
