Pesë persona janë zhdukur dhe disa të tjerë janë plagosur pasi një shpërthim tronditi një park industrial në qytetin perëndimor gjerman të Leverkusen pak minuta më parë, duke dërguar shtëllunga tymi dhe duke nxitur policinë të kërkojë nga banorët e afërt të qëndrojnë në shtëpitë e tyre.
Sipas Reuters, disa punonjës të fabrikës u lënduan, me të paktën dy të plagosur rëndë, dhe pesë persona janë zhdukur, duke shtuar se nuk ishte ende e qartë se çfarë e shkaktoi shpërthimin dhe zjarrin pasues.
Sirenat dhe alarme emergjente në aplikacionin e telefonit celular të agjencisë gjermane të mbrojtjes civile paralajmëruan qytetarët për “rrezik ekstrem”.
Policia u kërkoi banorëve të afërt të qëndronin brenda dhe të mbanin dyert dhe dritaret të mbyllura. Currenta tha që ata gjithashtu duhet të çaktivizojnë sistemet e kondicionimit të ajrit ndërsa matte ajrin rreth vendit për gaz toksik të mundshëm.
Lajmi i raportuar nga mediat u konfirmua nga përfaqësuesi i kompanisë kimike dhe farmaceutike-operatorit Currenta, Mathias Scheithauer.
Më shumë se 30 kompani operojnë në sitin Chempark në Leverkusen, duke përfshirë Covestro , Bayer, Lanxess dhe Arlanxeo, sipas faqes së saj të internetit.
