Kombëtarja e Gjermanisë ka siguruar një fitore të thellë ndaj Maqedonisë së Veriut në Shkup. Pancerat fituan me shifrat 4-0 duke mos e vendosur për asnjë moment në diskutim fitoren. Skuadra e teknikut Hansi Flik dominoi takimin që në start por nuk i’a dolën të gjenin golin e avantazhit në start. Në fraksionin e dytë vendasit u dorëzuan pa kushte. Gjermanët shënuan plot katër herë duke u hakmarrë ndaj humbjes ndeshjen e parë në muajin mars.
Në sfidat e tjera kombëtarja e Kroacisë u ndal në barazim 2-2 ndaj Sllovakisë. Turqia siguroi fitoren ndaj Latvias 2-1, Holanda mundi me shifrat tenistike 6-0 Gjibraltarin ndërsa Sllovenia u mund nga Rusia 2-1. Të martën do të zhvillohen edhe ndeshjet e radhës në kualifikueset e kampionatit botëror ku do të zbresin në fushën e blerta emra të mëdhenj të futbollit europian.
